Viser innlegg med etiketten framand. Vis alle innlegg
Viser innlegg med etiketten framand. Vis alle innlegg

søndag 13. april 2014

Heimstad



Den støvete landevegen
var din rette heim,
her vandra du
frå by til by
medan du smilte til møtande
og telte stjerner om natta

Ein vandringsmann
ikkje på veg heim, men heime
i sitt eige
Ingen av dei du møtte
kunne vite omfanget, sanninga i
kor heime du verkeleg var –

og likevel ein framand,
for vi kjente deg ikkje att

torsdag 1. november 2012

Nokon der ute?



Nokon lyste på meg
i dag
med ein fjern lyskastar


Nokon eg ikkje veit kven er
der ute
ein stad, langt vekke


Nokon, der ute? kanskje
nokon
som lurar på kva eg gjer


Nokon som er litt for nysgjerrige
kanskje
eller ikkje veit å avgrense seg


Eller nokon som vil ha kontakt
eller
gjer sitt beste for å unngå det


Kva veit vel eg om
det
Det var umogeleg å sjå noko i motlyset