Måneskot

han hang på vippen,

siste runden

gjekk vel fort

så det vart skrens

og ei rulle i sakte fart

nedover fjellsida

under låg fjorden stille

med attlatne auge;

ynskjer…

ein storm frå vest

ein fønvind frå aust

snøflak som smeltar mot overflata

eit islokk, ei sommarsol

badelatter og snekker

med taktfaste bylgjer

mot rullesteinsstrendene

teier viseleg stilt

så alt skal få skje i si tid