Viser innlegg med etiketten trafikk. Vis alle innlegg
Viser innlegg med etiketten trafikk. Vis alle innlegg

fredag 9. oktober 2020

Noko ventar

noko ventar i stille mangel på merksemd

høgt over djupa i fjorden, langt

over kvardagsrørslene langs ekrer og sykkelstigar;

ventar medan regn og solstrålar fell om kapp

med årstiders hurtige skifte

 

dette er ein veg for herda hjarte

eitt tråkk for dei som ikkje skvett av eigen skugge

men vågar seg utpå der andre stoggar,

vågar å utfordre sjølve tyngdekrafta og det som ventar

høgt over, høgt oppe

 

noko som ventar

den rette tida

 

 

onsdag 6. juni 2018

På vegen #2



når du fresar forbi éin bil
vil der alltid vere ein til
og endå ein
som køyrer sakte

berre for å plage deg

eg for min del
kjem heller to minutt for seint fram
med blodtrykket på rett nivå