Lågare

no har eg summa rundt

time etter time i bilen

med klare mål for auga;

forbruket er nede

i 0,54 per mil

og det har eg jobba hardt for

På vegen #2

når du fresar forbi éin bil

vil der alltid vere ein til

og endå ein

som køyrer sakte

berre for å plage deg

eg for min del

kjem heller to minutt for seint fram

med blodtrykket på rett nivå

På vegen #1

Auge vegen heim

bil

aleine

vegen

heim

kveld

regn

ventar

auga

døra

heime

lengtar

hender

huda

heime

Ikkje A4

vi er begge gjestar i verda

kongen og eg

med bankande hjarte

draumar og håp

utolmod i møte med flokar

likevel er det vel ein skilnad

på oss som køyrer A4

og dei som ikkje

oss som aldri tippar i lotto,

fordi vi er nøgde med kvardagsstrevet

og dei

som kvar dag må sjå seg sjølv spegla

i kamera og tabloidaviser –

inst inne er vi jamvel like

kongen og eg;

vi er begge gjestar i verda