Falle på kne

kven kan forstå

dine tankar

kven kan seie

dei ser

dine perspektiv

kven kan rekne ut

dine neste trekk,

seie kva du vil

gjere

kven kan anna

enn falle på kne

og tilbe

når dei vert leia

inn på dine vegar

og forstår

at her strekk

ikkje tankane til

Kulde [4]

Viss denne flata var ei kyrkje

med blanke spir

og eit altar av stålblank is,

då ville eg knele

med skjelvande kne mot kulden,

løfte henda mot Himmelen

og takke Han som bygde katedralen

av eit meir intrikat materiale

enn vår avgrensa fantasi kunne oppdrive

Gå på vatnet --

kven kan vel bygge flottare tempel

enn Herren sjølv?