Krokodillevers

lik ei gapande krokodille

utan magemål –

som ein glidande drake

over vatn, både stille og

opprørt – når det kokar

så havet gyngar –

då glir den stødig over fjorden

fram og tilbake

i roleg rytme – den har eit mål

den veit kor den skal

eg skal over, fjorden er djup,

den store krokodilla opnar kjeften og

eg let meg villig leie inn i gapet –

(Fredagstema)

(The weekend in black and white)

Bru - Ferje - Tunell

1

trygt planta

som eit monument

over det vi menneske kan klare

å forsere –

ligg brua som eit taust vitne;

eit stengsel er borte

i andre enden

av regnbogebrua

ligg kanskje skattar gøymt

2

heile kysten er lagt

som ein autostrada

for dei tålmodige;

vi som heile livet har venta i kø

og fortsatt syns det er greitt

å strekke på beina

til bølgjeskvulp og dieseleksos

med få timars mellomrom

3

eit gratis reisetips

til deg som skal reise

langs vestlandsvegar:

tel tunellar frå startpunkt

til mål, og sjå

kor nære hundre

du kan komme

(Fototriss)