Lysregn

Parallell

Det går ei tynn linje
mellom det som er sant
og det eg diktar -

ei linje med sikksakksaum
og eit utal krysningspunkt
- berre synlege med attletne auge

Parallelt med orda går eit bilete,
det svevar rett over bakken, set farge på verda
og nett dei fargane eg ynskjer -

Du kan krysse linja
viss du vågar deg ut på trampolina
og satsar mot ukjent terreng

Det einaste det krev av deg:
at du tek av globusbrillene 
og vågar deg utanfor xyz-koordinatane -


(NF-abstrakt)