Julekjensla

kjensla av å stå i ro

på bar mark,

snøen lavar, mørket pressar

kulda gjennom kleda

let oss falle

inn i noko vi ikkje kjenner,

noko vi fryktar, noko som frys

siste rest av håp til is

og så, då

i det auga gir etter

og hjartet krasjar inn

i verda

kjem eit lysglimt

frå ein annan røyndom,

verkelegare enn alt

vi kjenner frå før

som brennande metall

mot lenker og åk,

smeltar vekk frykta,

let håpet ut frå sitt fengsel

og så, då

den nye songen

fridomssongen

stig – frå løyste strupar!

(Søndagstema i svart/kvitt og farge)

Utan/med

Det stig ei sol

så står sola opp

over eit landskap

prega av søvn –

vi har vandra

gjennom natta,

sett konturane av verda

no lyfter vi blikka

skiftar fokus,

det veks ei sol bak horisonten;

og skiftar fokus;

alt dette grå og mørke

vert så uviktig med eitt

for det står ei sol

som ein brennande fakkel

over våre liv

Det stig ein song

det stig ein song

i Marias hjarte

Halleluja!

ein himmelsong

med tonar bjarte

Halleluja!

det stig eit kor

med himmelsk lyd

Halleluja!

eit englekor

frå nord til syd

Halleluja!

der ligg eit barn

inni ein stall

Halleluja!

eit lite barn

med himmelsk kall

Halleluja!

i denne natt

vert verda ny

Halleluja!

velsigna natt

for land og by

Halleluja!

Near

(haiku horizons)