er det vatn alt dette
spør eg
vassar over golva i katedralen
heilt fram til alteret,
ser meg attende, ser rundt
på alle som kjem vassande saman med meg
på sidene
inn frå alle slag dører og portar
eg som har fulgt den vesle bekken
frå eg kom over den og heile vegen
opp mot dette fjellet
og denne katedralen
heile vegen lenger opp
til eg steig inn i det strålande lyset
og såg kjelda spreie seg ut
over heile verda
søsken på vandring
mot det same alteret
der lammet, som liknar ei løve
tek imot med opne armar
Ingen kommentarer:
Legg inn en kommentar