Store i det små

1

som lysande lanterner

strålar blomane

si glede

frå ein kjerne

i det indre

- noko planta,

av ein som veit

at vi treng haldepunkt

lyspunkt

langs vegen

2

dei strekk seg

mot lyset

blomane

fangar opp

strålar av sol,

reflekterer

mot oss

vi som ser små

fargeklattar,

men ikkje alt

arbeidet, strevet

som ligg bak

og likevel smiler dei

glade

bryr seg ikkje om

kven som ser

eller ikkje

det er ein

høgare ordre

dei fyljer

3

det er ei stille kviskring

eg ikkje kan høyre,

eg berre sansar

refleksjonar

frå ein organisme

midt i livet,

planstyrt

til minste detalj

eit kyss

frå himmelen

til den som går

med nedbøygd nakke,

at om ein ikkje ser lyset

skal ein i alle fall få

eit lite vink

frå Han som bryr seg

det er det som er det store

i det små

(NF blo-ma)