Viser innlegg med etiketten fotball. Vis alle innlegg
Viser innlegg med etiketten fotball. Vis alle innlegg

onsdag 22. februar 2017

Fotballtankar



eg er ein fotball
eg er rund
og trillar dit du vil
- eigen vilje
har eg ikkje,
eg er fornøgd med graset
og likar å sveve

når du held meg fast
med seige hanskar
drøymer eg om svevet
og landinga i nettet

når eg ligg i nettet, stille
drøymer eg om foten
og graset og farta,
at nokon skal komme springande
og sparke meg langt av stad

alltid har eg denne lengten
etter å vere ein annan stad,
for sjølv om eg er kvit
og viljelaus
har eg også mine mørke felt –

søndag 7. september 2014

Mønster




det er eit mønster i spelet,
vi veit
kva som står på spel
og kva vi kan spele bort
utan å verkeleg
tape
 



det er eit mønster å følgje,
vi ser
alt som er i spel
og alt vi kan ta bort
utan å miste
ansikt





det er eit mønster der ute,
vi går
over alt som eit spel
og tek vekk alt som må bort
utan å tape
likevekta –