Himmelskipet #6

vatn over vatn

og dei store djupa

i menneskehjartet

der er to sider av sjela

den mørke som dreg oss ned

og den andre

som alltid lengtar

etter å bli lyfta av lyset

og falle som regn på dei høge fjella

skiljet er sett frå opphavet

alt sidan har vore balansekunst

vatn til vatn

Lukketillegg

Himmelskipet #5

lyset

den store eksplosjonen

all energi

som seinare skulle bevege rommet

samla i dette eine ordet

frå Han som sit på trona

så gjekk ordet ut frå trona

fylte tempelet

og skapte eit rom i det tomme

der det ikkje var noko

oppstod eit utteljeleg tal fragment

og fylte denne nye eksistensen

Til andre sida

Himmelskipet #4

ein tanke eit ynskje ein plan

ukjent for tid og rom

hos Han som tronar frå æva

eit meisterverk i emning

utan byggherrar eller forskrifter;

eit rom vert til

ei tid vert skapt

substansen vert forma

frå ingenting

            til noko