Eg skal seie deg kva ironi er!
Det er at dei unge kvinnene
som ikkje kan lese, ikkje kan rekne,
men som kan sy
(Du verda som dei kan sy!)
sit på ein fabrikk i dei grå sidegatene
i Bangladesh
og tråklar seg gjennom
den eine skjorta etter den andre
og legg siste hand på verket;
for at eg, læraren
skal ha ei skjorte å gå i
medan eg underviser born
som ikkje ser poenget med å kunne rekne
