Viser innlegg med etiketten puslespel. Vis alle innlegg
Viser innlegg med etiketten puslespel. Vis alle innlegg

lørdag 20. desember 2014

Puslespel





det er nokon
som legg puslespel
med brikker
av organisk
materiale

det er nokon
som leitar og finn
i natta
sine brikker
på tapte
stader

det er nokon
som med iver
står og ropar
ut
i natta:
kom heim
frå ville vegar
kom heim
frå tapte fjell

det er nokon
som legg puslespel
med smerte
aldri godtar
tause fråvær
tomme rom –

mandag 1. september 2014

Pusle seg veg




eg puslar saman bitane
av mitt eige liv,
dei mørke skuggane
dei lyse flatene
og alt som flyt saman
i kaskadar av lys og farge

eg puslar meg veg
gjennom min eigen dag,
set brikkene ned
der eg trur dei vil passe
- og på merkeleg vis
smeltar dei saman,
endå fargane ikkje alltid er like





for eg puslar vegen
eg må gå,
du legg dine brikker
ved dine eigne føter –
kanskje vi møtes,
kanskje er det same brettet
vi byggjer

eller kanskje ikkje,
det er mykje som er uvisst
når ein puslar seg veg
gjennom livet



 



(Our world tuesday)