Viser innlegg med etiketten lyskjelde. Vis alle innlegg
Viser innlegg med etiketten lyskjelde. Vis alle innlegg

mandag 3. november 2014

Fotonkjelde



ei glødande masse
roterande rundt sin eigen akse,
ein uendeleg straum
av lyssignal
kasta ut, sendt av garde
i svimlande fart
gjennom rommet

ein liten brøkdel
så forsvinnande liten
i det heile
styrtar som kamikazefly
mot auga mine




vi dyttar fart i fotona,
mine og dine

til dei fyk saman
gjennom natta

vitnar om eit samband
sterkare enn kulden

ei bru mellom hjarta,
mitt og ditt




dei usynlege strålane
så mykje raskare, nyttigare
enn elektromagnetismen

dei sterke strålane
knyt oss saman, tauar oss inn;
vi er båtar i le for stormen

dei lysande strålane
synlege berre
for hjarteauga