Haustmorgon #5

som ustyrlege rakettar

susar fuglane forbi i lyset

eit sekund er dei der

så er dei borte

med tolmod ventar eg

på neste glimt av morgondansen

Haustmorgon #4

Haustmorgon #3

Haustmorgon #2

trea myser mot lyset

prøver halde det fast

dra det ned

det boblar eit sinne over tap

lauvdrakt og livsårer

borte – eit minne

kveler gleda

låser dei forbitra tankane

inne

Haustmorgon #1

lyset som svevar over bakken

leitar etter fotfeste

i landet det rådde over

før

ei stille fortviling

over vegen det går