Halde tritt

Det er ikkje så lett å halde tritt

med korte føter og korte steg

og si eiga fart

i ei verd som verkar gå så fort

at det er vanskeleg å henge med

Det er ikkje så lett å halde tritt

når folk snakkar ein meter

over hovudet på deg

og tenkjer at du ikkje forstår

- endå du står der og veit

Det er ikkje så lett å halde tritt

med ein kropp som endrar seg

dag for dag, veks

nesten ut av seg sjølv

og alt den møter er for første gong

Det er ikkje så lett å halde tritt

for oss andre heller, vi

som skal passe på og vakte,

for plutselege innfall og ville idear

er heilt naturlege for deg

Det er ikkje så lett å halde tritt

med tida, heilt generelt

når eg sit her og blar i bileta mine

og ser kor liten du var og kor stor du er

og forstår – snart spring du ifrå meg

(Weekend in black and white)