Eit lys i verda #5

over alt og alle blenkjer stjerna, ein stille vegvisar

for dei som lyfter hovudet, går

mot straumen av menneskekroppar

og heilt fram dit stjerna over byen viser veg

Eit lys i verda #4

midt i byen

lyser stjerna

over alle hovuda

og føtene og kroppane

som hastar

av garde

med armane fulle

midt i det travle livet

sender det sine strålar

frå æve til æve

og lagar ein veg

frå der vi står – i vår kvardag

via ein stall, eit kors, ei grav

og like inn i himmelriket

Eit lys i verda #3

bakanfor dette

og over dette

og bortanfor straumen

av generasjonar på rekke etter rekke

blenkjer det ei stjerne

over ein stall