Sirklar

me fyller verda med sirklar

ein sirkel for deg

ein for meg

ein for alt det me likar, ein

for det me ikkje likar

ein sirkel for dei me likar

ein for dei

andre

ein sirkel for kor me har vore

og ein for alle andre stader

der dei andre bur

i sine sirklar

viss dei klarar å lage sirklar, då -

(fniser me)

og teiknar endå fleire sirklar

rundt oss sjølv

slik fyller me verda

med sirklar

som strekar i sanden

altfor få

går etter

med rive

Hjulet

Det var i Donald eg såg det

første gongen,

ein genial ide – på papiret;

Firkanta, trekanta, ovale

hjul…

i alle fasongar, i alle former,

men ingen verka så godt

som det runde –

Skal tru kva dei tenkte,

menneska som først tok i bruk

hjulet –

Ein ting er i alle fall sikkert;

Eg kjenner mange som er glade

for runde hjul og syklar og trøer

og all den farten ein kan lage

utav to små sirklar!

(Måndagstema)