Så greitt å seie ja

Eit tenkjande trafikklys

som berre ynskjer godt –

for alle –

og blinkar grønt på grønt

på grønt

og smiler – berre køyr!

Vel –

Det er så greitt å seie ja,

gjere alle mann til lags

Seie ja og ja og ja og ja

til kreti, pleti og dei andre,

vere ven, ei støtte gjennom alt,

eit lys som blinkar – berre køyr!

Kven ynskjer vel å vere

eit kløpulver på verdas rygg?

Strø salt i sår, slå bommar opp

og seie nei, nei, nei –

David, du er mannen,

sa Natan, hans profet

- skjønt det hadde vore lettare

å seie – berre køyr!

Himmelprotest

Himmelen speglar

mitt logande hjarta

Det brenn av ein flammande

indignasjon, nesten hat

Ikkje mot deg, ikkje mot andre

Men mot systemet,

som knekk av så mange små

spirar

Riv dei opp

før dei får sjansen til

å feste røtene

i vårt frie jordsmonn