Eg ser meg stå på ei snødekt eng,
med ski på beina
Ein bleik måne lyser
mellom frostkvite bjørkegreiner
Det er eit bilete, nærast ein metafor,
i albumet mitt
Eg klistra det inn med kalde fingrar
for snart eit år sidan –
I år står eg på den same enga,
lent inntil ein stein
Fotoapparatet zoomar inn
på dei grøne plantane – i skuggen
Dette er også eit bilete, nærast eit symbol,
i albumet mitt
Limen festar betre i år, forholda er gunstige,
dette biletet vil truleg henge lenger –