Stilla og eg

Aleine #10

tre gongar i timen

sjekkar eg klokka

held den opp til øyret

stirrar på visarane

er sikker på at den har stoppa,

endå tikkelyden er der

og visarane flyttar på seg

så mange lange timar

før du kjem att

Aleine #9

det nyttar ikkje rope

- eg har då visst prøvd

stemma ber ikkje

heile vegen frå djupet

av lengten min

Aleine #8

av og til berre står eg her
ser ut i skogen
undrar meg
kor er du no –
det er det eg gjer
til og frå
nesten heile tida