Haustvers

dei rolege haustdagane

på veg opp eit raudnande fjell

gjennom ein skog

langs gjengrodde skogsvegar

til eit tjern med vassliljer i

dagane svingar seg

som rolege havvindar

oppover bjørkestammene

nedover bekkefaret

over ei eng med brune strå

stryk ei mjuk hand over huda

legg sitt kjølande kinn mot ditt

kviskrar sitt ømme farvel

til sommaren som var