Himmelskipet #3

det tomme rommet

ei utfordring for tanken

det tomme rommet

der ingenting finst,

eit elastisk mørke

utan substans

utan fylde

utan atom

ikkje ein gong ingenting

finst i dette rommet

som ikkje vart til

før ein høgare vilje sa orda

som skapte

Himmelskipet #2

i det høge

bak den usynlege veggen

ingen kan trengje gjennom

står det heilage tempelet

som ein gong vart vist

til menneska

våre bleike kopiar

skal ein gong smuldre vekk

men det heilage tempelet

står frå æva

og til æva

fylt av stråleglansen til

Den Høgste

Himmelskipet #1

ein æveleg bustad er vår Gud

ingen kjenner grensene

for ein forstand utanfor

            våre eigne grenser

i det uendelege

der tida ikkje eksisterer

finst Ein som ikkje kan skildrast

eller endrast

av våre avgrensa tankar, kjensler

og ord

eit fjell som ikkje kan rokkast

eit lys som ingen kan sjå –