torsdag 5. juli 2018

Det du ikkje ser




eg er ikkje fange her inne
i min eigen draum
om ein draum
for

fridomen er malinga på veggane
fridomen er teppene på golvet
fridomen er møblane eg flyttar på
kvar gong hjartet må takle eit svik –

no er det berre orda
som kan svikte meg
for orda er veggane
rundt denne lufta som også er fridom;
eg pustar fridomen
og tenkjer på deg –

du som er der ute
på andre sida av orda mine
og aldri vil kunne sjå
denne draumen om ein draum
om fridom





Maleri: Nenad Ignatic

 


Ingen kommentarer:

Legg inn en kommentar