lørdag 17. februar 2018

Den som ikkje leitar kan også finne



det var ikkje meg du leita etter
då du snørte skoa på deg
og sette døra til det gamle livet
på klem –

du leita ikkje etter nokon
det var hjartet som var kompasset
kviskra retning, fart
tid
føtene brann seg gjennom asfalten
det rasla i lauvet der du gjekk

dei tause fuglane observerer
frå sin utkikkspost på telefonlinja
det er tida, sukkar dei
tida som akkurat no er den rette

for du leita ikkje
før akkurat då du fann meg

då slutta du å leite


Ingen kommentarer:

Legg inn en kommentar