søndag 25. desember 2016

Lerret


dei blå vinterfargane dansar
ein einsam dans
over lerretet
- ein malarmeister ser undrande på
verket han har laga

det er som det lever sitt eige liv

la oss gje menneska glede
som ein naudutgang
frå eigne tankar

penselen på ny i malarskrinet,
nye fargar - varme, klare, glade
og forsiktige over lerretet 

vert som lysande skilt i mørket,
ein sti å gå, eit kart å lese
ein veg gjennom alt det grå


Ingen kommentarer:

Legg inn en kommentar