mandag 14. desember 2015

Vinterveg


også her må du vere
ein vandrar i vekslinga 
mellom mørke og lys
skugge og klåra
- eit steg unna morgondagen

også her må du kvile
rette auga mot dei fjerne fjella
senke ned i ditt eige hjarte
denne vissa om det som kjem
- gårsdagsskuggane når heilt hit

også her må du sleppe
grepet om banda som batt deg
fast til skogen, fjella, vatnet
verda slik du kjenner den
- sjølv i denne vinteren er hjartet ditt fritt



Ingen kommentarer:

Legg inn en kommentar