fredag 18. desember 2015

Det falt eit tre i skogen



i mange lange vintrar
stod treet her og bøygde seg
for vindane og stormane
og lagra sine bilete
av regn og snø og sol

i mange lange vårar
spira håpet stille fram
til myriadane av fuglar her
på treets mange greiner
song ein song om livet sjølv

i mange lange somrar
strøymde sola over barken
i ein dans for varme dagar
fylt med spirande yrande liv
og bekymringslaus glede

i mange lange haustar
gjekk ei stille mumling gjennom skogen
om førebuing, fellesskap
og korleis alt skal vernast
gjennom kalde mørke tider

for i mange lange år
var det slik det var i skogen,
men så – ein dag – eit kort sekund
i motordur og skarpe hogg
falt treet, gleda, håpet

og slik er lærdomen i verda,
slik er kunnskapen vi har:
at alt du bygde opp og fram
kan falle ned, bli trampa på
og knust i eitt sekund


(Weekend in b&w)

6 kommentarer:

  1. Vakkert og vemodig skrevet.... så mange nedhogde trær jeg passerer uten tanker som dine...!
    :)

    SvarSlett
  2. My friend - the tree !
    So sad . . . but that´s life .
    Greetings from Germany

    SvarSlett
  3. Great contrasts and texture for black and white!

    SvarSlett
  4. Så fint .... ha en fin 4. advent!

    SvarSlett