lørdag 26. september 2015

Tal


1

tel stjernene sa han vi tel
sandkorn tel lukke tel pengar
seier dei og smiler dollarglis
utan substans tel fingrar tel tre
med greiner som viftar i tallause vindar
mot tallause stjerner og tallause
sandkorn under havet eg tel
hus tel bilar tel meg sjølv og deg
tel nåde tel sytti gongar sju tenkjer
det er det som verkeleg tel




2
det er ikkje anna enn eit tal
indikator for ei kjensle vi kjenner
som skal forandrast
til ei liste med val for dagen

det er ikkje anna enn eit tal
men seier meir enn klokkene
meir enn vegane vi skal gå meir
enn det stille suset gjennom trea

for om det ikkje er anna enn eit tal
er det like fullt ei vektskål
der graden av slitsame tankar aukar
omvendt proporsjonalt





3
grensene strekk seg
som elastiske membranar
tvers over landskapet

bøyer unna inntil smertepunktet
men så, etter det
som ei klam hand rundt samvitet
vårt siste moralske fyrtårn


4 kommentarer:

  1. Mycket fint trissat. Dom två första bilderna blev mina favoriter. :D

    SvarSlett
  2. Fina bilder! Och om det inte längre finns något samvete, faller då all moral.....och då tänker jag förstås på Volkswagen.

    SvarSlett
  3. Fint komponerade bilder, gillar de mörkare kanterna, den första blir min favorit! Trevlig helg.

    SvarSlett