onsdag 23. september 2015

Mellom djupnene i livet




mørke tonar frå rommet innanfor
rommet eg er i,
ein kvelving breier seg ut
over vegen eg går

på andre sida køyrer bilane
opp ned og galne vegar
og ringane breier seg
der eg sleppte hjartet i sjøen

slike dagar, slike netter
utan stødig grunn under beina –
slike tunge tankar å bere
på denne sida av tida

Ingen kommentarer:

Legg inn en kommentar