onsdag 30. september 2015

Inn i eventyret




som eit svingande sverd
slår lysstrålane gjennom underskogen,
raskar med seg siste rest
av natt og skumle tankar

kom, lokkar skogen no,
den som tidlegare var eit hinder
ein diger port
til eit avstengt land

men no – no er alt ope
no ligg verda for våre føter
det er berre å stige inn
på dei ukjente stiane

og det svingande sverdet leier vidare
til eit rike utanfor tid og rom,
der berre erfaringar og fantasiar
er grenseland mot det grå


2 kommentarer: