lørdag 23. mai 2015

Dobbel



1
det eine nært
det andre fjernt

som pust på veg inn
og pust på veg ut

noko nytt, noko gamalt
og likevel heilt likt –

to uttrykk for det same,
ein samanheng – eit band

som to bitar i det tidfaste
verdspuslespelet 




2
det nysprungne livet skjelv,
her er så kaldt –

denne nakne kulda
i ei opa verd

der vindane flyttar seg
og vatnet renn

og ingenting verkar stadfast,
lunt og varmt eller trygt –

så lat oss lene oss på kvarandre,
finne livd i ein felles lengt





3
så er du spegelen min,
eit bilete av mitt eige bilete

slik eg sjølv speglar noko anna,
frå ei verd av andre substansar;

så rører du deg ikkje
utan at eg gjer det same,

liksom styrt av desse
usynlege, ubrytelege fotonbanda

ikkje ulike dei som held også meg
i stadig rørsle mot æva



9 kommentarer:

  1. Man blir aldrig besviken då man kikar in hos dig. Alltid lika fina bilder :-)

    SvarSlett
  2. Oj så vackert ! Jag tycker om naturfoton och svartvitt passar så bra i 1. bilder därför att där är så mycket metall i bilden.

    SvarSlett
  3. Coola bilder. Gillar ställverket i bakgrunden på första bilden.

    SvarSlett
  4. Halloj!
    Så vackra bilder alla tre men favoriten blir maskrosorna :O)

    SvarSlett
  5. Så vackert... Det riktigt glöder om den andra bilden.

    SvarSlett
  6. En tilltalande och vacker triss.

    SvarSlett