tirsdag 28. april 2015

Du plantar

du plantar himmelen
djupt i den mørkaste molda

du plantar livet
der døden har sett sine spor

du plantar kjærleik
i restane etter ein vinter

du plantar håpet
midt i det grå




eg vaknar
til ein dag
der lyset fyller rommet
fyller verda, kvar minste krok

og strålane avslører
mine svik og tap
mine daude draumar

men du 

du plantar reinleik
omsorg og varme,
plantar trufast glede, usvikelege ord;
vatnar plantene
          med eigne tårer, eige blod
let dei vekse, breie seg ut

fylle stadig meir av plassen
i mine rom



2 kommentarer:

  1. Gorgeous - what an excellent photo.
    I hope you'll come visit my Wordless linkup at http://image-in-ing.blogspot.com/2015/04/french-corner-bakery.html

    SvarSlett