lørdag 14. februar 2015

Sjå opp



1
kor dei held til
desse tankane –

stadig er dei på vengene
ute i den store verda

eg finn dei fykande
over framande landskap

kom til kvile, litt
vere her, i augeblikket, ei stund

eg kan vere ein stille stad
for det viktige no




2
eg såg bakkefestet
dei solide stengene
trygt planta på berggrunnen

- det må til, sa du, der oppe,
skal du flytte dei store tinga i livet
må festet stå trygt

eg såg betongelementa
dei tunge kolossane
mot ein skytung himmel

- slik må det vere, sa du,
skal du lyfte dei store tinga i livet
må ballasten vere på plass

eg såg kranførarblikket
høgt plassert i sitt tårn,
vende nedover, mot bakken

- det er det beste, sa du,
med høgd og luft i livet
men blikket vendt mot det handfaste, nære





3
så ser eg opp, let blikket kvile
mot det høge tårnet over byen,
festar auga på merket
mi fane og segl på reisa

dette symbolet, teiknet
som minner meg på – stadig
at over mine kvardagsgrå vegar
kvilar eit kjærleg auge, kviler ei leiande hand –




9 kommentarer:

  1. Fint trissat!
    Favvobild blir den första bilden/ kram

    SvarSlett
  2. Bra bilder åt fototriss, varierande !

    SvarSlett
  3. Fint trissat, min favorit är den nedersta bilden :-)

    SvarSlett
  4. Nydelege bilde du har delt !
    Og som alltid gode ord.

    God helg.

    SvarSlett
  5. Viktige ord til flotte bilete!

    God helg :-)

    SvarSlett
  6. Fint fotat och fint skrivet! :)

    SvarSlett
  7. Vilka fina bilder och då gillar jag särskilt den med kyrktornet.

    SvarSlett
  8. Härliga bilder och ord som alltid!

    SvarSlett