onsdag 18. februar 2015

Over alle taka



vi er så små, vi menneske
på denne eine planeten
i det ufattelege universet

likevel - vi byggjer våre hus
parkerer våre bilar og liv
og tenkjer - det er nok...

gløymer somme tider av
at der er noko meir
over alle desse taka

at der er ein røyndom
eit rike, usynleg for auga
der små menneske er velkommen

at berre éi einaste regnbogelengd unna
ventar opne armar, eit lengtande hjarte
heilt sidan vi tok ut arva og drog

-

eg opnar vindauga, eg slår ut dørene
kliv opp på dei høgste taka
og ropar - her er eg!



#faste

I dag er det askeonsdag. No er det førti dagar att til påske, og fastetida startar. I år legg eg på hylla den største "tidstjuven" av dei alle - bloggane og sosiale media. Så med diktet Over alle taka seier eg god fastetid, og ser deg til påske!

1 kommentar:

  1. Tak. Hav også en god fastetid. Det lyder så fornuftigt at rejse bort fra de sociale medier for en stund! Derud hvor virkeligheden sanses så meget mere. Men jeg fornemmer, du har et kraftværk af kreativitet i dig, som bare må ud? Heldigvis er der mange andre gode veje for det, og du er sikkert i gang!
    Tak for fine billeder og ord, igen:) De steder du tager én med hen med dem, det er, som om man virkelig er der selv.
    Varme hilsner fra Laila

    SvarSlett