mandag 16. februar 2015

Leve ved havet



vende øyra mot havet
høyre det lokkar, stille

ei kviskring frå ei anna tid
ein annan dimensjon




hjarterytmane samanfallande
lengslane som eit dragsug

fjøresteinane er samansvorne vener
- vi kjenner lunene, det utemde



i bølgjeskummet – små glimt inn i sjela
hjartelaget til det skremmande store

utan målbare grenser,
vi kjenner ikkje djupa –





høyre havet, puste havet,
som ei forlenging av lungene

kjenne ei vill glede
i det å vere liten og makteslaus




3 kommentarer:

  1. Hei
    Flotte bilder fra havet.

    Vivis fotoblogg

    SvarSlett
  2. That must've been a wild ride. You took some gorgeous shots.
    Take 25 to Hollister

    SvarSlett