søndag 26. oktober 2014

Barnet som går



kan du stoppe regnet,
la steinane rulle oppoverbakke
og graset krype attende
i frøet –

kan du stå imot fossefallet,
få ein katt til å gå baklengs
når han ikkje vil, kan du
knuse ein diamant –

leggje hendene rundt sola
og dra den ut av bane,
kan du slokke min brennande
kjærleik til barnet –

som går sine prøvande steg
ut i verda, forsiktig
litt lenger vekk frå meg,
med stadig fastare grep

om hjartet mitt –




(Søndagstema i farge og s/k)

4 kommentarer:

  1. Nydeleg skrive.
    Kanskje bra at me ikkje har kontroll på alt. ...

    God søndag !

    SvarSlett
  2. Åh, fine ord! Til en fin, fin pige!:) Hun ser så resolut ud; hun er på vej. Hvor er livet stort.
    Klem fra Laila

    SvarSlett
  3. Fin text ..till lika fin bild.

    SvarSlett
  4. Tack, för både ord och bild.
    Berit E

    SvarSlett