tirsdag 29. juli 2014

Bajonettane



Sollyset glimtar i våpen
av nypussa stål
Tusen bajonettar, på rekke
Midt i mot – ei ny rekke
Tusen våpen, like blanke

Bak våpna, på begge sider
står gutar
i nyvaska, flotte uniformar
Solbrune fjes, på begge sider

Ansikta er bleike og bestemte
Auga er sikre, ryggane rake
Hendene skjelv

Men ikkje så mykje at det syns

Dei er klare og lyttar
Høyrer kampropet runge:
Fram gutar!
Hev våpen!

Spring av stad! Gjer di plikt!
For fedrelandet! For Gud!
For dine barn og din konge!

Eller 

Lytt til kviskringa
frå vinden
og to tusen bestemødre:
Stikk bajonetten i jorda
Gjer  det no!

Pløy kvar dykkar fure
Så korn og poteter
og vatne med tårene
frå to tusen mødre utan søner
Rop eit leve for jorda
Rop eit leve
i fred

3 kommentarer:

  1. Halloj!
    vacker bild, ser ut att du vart på en hög höjd och fotat.

    SvarSlett
  2. Jaaaa, ner med bajonetterna, bruka jorden, lev i fred!

    SvarSlett
  3. A gorgeous shot! A tried translation for your words - it doesn´t work so well but I understand the meaning and you choose the perfect photo!

    SvarSlett