tirsdag 24. juni 2014

Sommarminne



Eg hugsar dei dagane
barne-tv vart gløymt
og innetidene vart utsett
litt til –
då vi sprang barbeint
med grønske på knea
og støvgrå tær
gjennom nyslått gras,
over altforvarm asfalt,
i rislande, iskalde bekkar

dei dagane vi måtte klatre
i murane, strekke oss
innover buskane
for å få tak i frisbeeane
eller badmintonballane
eller papirflya
eller sprettballane

og lukta av sommar,
lukta av varme kroppar, varmt gras,
varme timar limt
til funklande auge

og varmen i dyna
når ein til slutt måtte gje etter
og senke ein ferdigleika kropp
inn i sommardraumane –

3 kommentarer:

  1. Ja, noen spesielle dager på sommeren, husker en alt slik det var...

    SvarSlett
  2. ja, de var fantastiske!:) sådan nogle dage, dengang.... husker det så inderligt nu. mærker dem i maven, dufter dem, ser dem.
    super digt!:)
    klem fra laila

    SvarSlett
  3. Å, så nydelig beskrevet. Spot on! Vekker sommerminner hos meg.

    SvarSlett