fredag 30. mai 2014

Brikke





du er ei brikke
i det store spelet

ein bit
i hopen

likevel unik i din eigen kamp
mot tyngdekrafta

dødskreftene som gjer krav på oss alle
på same måten -

som vi må møte
på vårt eige vis

kanskje er det slik
at vi veks som ulike strålar

rundt ein kjerne av det same stoffet -
den same lengten etter utfriing

fridomen vi meir anar enn veit
finst også for oss


(Fredagstema)

1 kommentar:

  1. I do not understand the language..but the pictures are beautiful! thanks for stopping by at my blog!

    SvarSlett