torsdag 27. mars 2014

Trøytt




du er trøytt no
trøytt av å bli trakka på
trøytt av å ikkje kunne gjere  noko
med det
sidan det er du sjølv som trakkar –
og du trakkar mykje hardare
enn nokon annan ville gjort

du er trøytt no
det er ikkje vanskeleg å sjå,
du slår blikket ned
når eg treff deg i gata
torer ikkje møte blikket mitt, av frykt
for å høyre
det di eiga stemme ville sagt

du er så trøytt, så sliten
av all smerten
du påfører deg sjølv,
så trøytt av å bli sparka
når du ligg nede
så trøytt av å sjå
dine eigne fotspor
i ditt hardpakka indre landskap

du er trøytt no,
å, eg ber deg min venn
løft blikket;
slutt å slå nye sår
på deg sjølv
ta imot hendene vi rekker
mot deg

for du er trøytt no
og vi ser det
men du lest som du er aleine,
du lest som verda står med ryggen til –
og alt vi ser
er ryggen din 


2 kommentarer:

  1. Den här texten skulle jag vilja ge till så många ungdomar som mår så dåligt - och tror att det är det de ska ...
    De har så fel, så fel.

    SvarSlett