torsdag 16. januar 2014

Eg drøymer




Eg drøymer om botnlaust vatn,
djupner som skjuler tankar,
dei som stadig dukkar opp
frå stader eg vil halde lukka, låst
men aldri klarar halde att

I meg står heile
Pandoras boks, med lokket på gløtt
og to stirande auger
- mine,
som vidar seg ut
i frykt for at noko skal skje
at noko skal opne seg
at nokon skal sjå – på innsida

Eg drøymer om botnlause fjordar,
med lokk over,
ein skjulestad for det inste,
ein tumleplass for dei glade tankane,
at dei skal finne ei flate å stråle frå –

ei flate eg kan trø, kanskje med eit smil
endå eg veit
at under her, under denne flata
ligg alt gøymt…


(Torsdagstema)

3 kommentarer:

  1. Det siste verset var best :) etter min mening
    Flott bilde var det også, som passet.
    Ha en deilig dag.
    Mormor

    http://www.starbear.no/mormor/2014/01/16/det-sner-i-dont-like-men/

    SvarSlett
  2. Underbar bild till din text!
    Ha en bra dag!

    SvarSlett
  3. Perfekt is att åka skridskor på.

    SvarSlett