torsdag 26. desember 2013

Stefanus



For dei tause stemmene,
dei som vart forsegla
mot sin vilje,
for beina som vart stoppa
medan dei endå var på reise
langt frå målet –

For dei som får merke
ufridomen som eit gnagande band,
fysisk og smertefullt
rundt handledd og hjarte –

For dei som ikkje smiler, ikkje ler
med tanke på morgondagen,
for dei som kvir seg for å sove
så langt frå alle dei er glade i –

For dei som kviler panna mot ein murvegg,
dei som trakkar framand grunn,
høyrer dører som slår i, nøklar som klirrar
og ei verd som med eitt vert taus –

For dei som ligg att på bakken
når bøddelen går heim frå arbeid,
for dei vi aldri meir kan høyre
anna enn som ei stille kviskring – ein isnande vind
over vårt kollektive samvit

For dei tenner eg dette lyset,
for dei skriv eg dette diktet
i dag
og for oss som sit att med reine og kvite
og blodstenka hender


4 kommentarer:

  1. Takk at du deler!
    Og fortsatt God Jul :-)

    SvarSlett
  2. Så fint å tenne lys for dem. Jeg er med på det :) takk for at du deler så fint - og skriver så fint. Og levende. Håper din jul har vært fin så langt - også håper jeg de siste dager dette året blir preget av glede og godhet. Romjulsklem herfra

    SvarSlett
  3. Rørende og fint. Håper du har en fin jul og fortsatt god jul og godt nytt år.

    SvarSlett
  4. Enjoyed your prose and accompanying photo. Happiness in 2014♪ I'm focusing on Haiku: :http://lauriekazmierczak.com/new-year-happy/

    SvarSlett