tirsdag 3. desember 2013

Kolossal




Det er her eg står,
eg og fotoapparatet, vi limar verda fast
og klistrar den inn
på dataskjermen – lag på lag
til heile verda ligg lagra som to enkle tal
0 og 1, og straumen som går
mellom komponentane
leier tala inn på rekke, set dei saman
til informasjon eg kan bruke
viss eg vil og

Alle desse småstraumane
kjem frå ein stad, dei er bielver
i den kolossale hovudstraumen
frå fjella, der vatnet har rent frå dammane
og gjennom dei overdimensjonerte røra;
sett magnetar i sving,
og straumen har vorte leia hit til meg –

Frå dette vatnet,
dei kolossale vassmengdene
som ein gong var vassdamp i skyene
og kom siglande inn frå fjordar og hav,
inn over fjella
der dei slapp lasta si av
og gjorde det heile mogleg;

Først av alt var det altså hav
og fjord, der vassmolekyla låg og venta
på sol, på varme
på nok energi til å forlate kvardagen
og bli del av noko større,
noko kolossalt –

Til sjuande og sist er det altså her det startar,
her eg står og fotograferer vatnet,
som snart skal gje straum
til sin eigen virtuelle eksistens –


(Fredagstema)

7 kommentarer:

  1. Looks like the ones in Our country, nice photos

    SvarSlett
  2. Great shots, especially the second one!

    SvarSlett
  3. Kolossalt kreativt tänkt - och skrivet :)

    SvarSlett
  4. Så fine bilder og ord! Kollosal flott tolkning av tema.

    SvarSlett
  5. Så bra och kreativt tolkat i ord och bild :)

    SvarSlett
  6. Riktigt nice tolkning på Onsdagstemat ... så fina foton :)

    SvarSlett
  7. Vilket kreativt och annorlunda tänk hos dig.

    SvarSlett