fredag 13. desember 2013

Former og fargar




ein dag eg sat og teikna,
kosa meg med former, fargar

begynte teikningane plutseleg å snakke
og det var ikkje nokon hyggeleg dialog;

berre høyr, sa gul til dei andre,
viss de alle var gule, ville arket sette finare ut!

og alle sirklane trekte seg vekk,
dei andre var ikkje gode nok, runde nok –

trekantane skulte på firkantane, og mumla
…skulle ynskje vi var som dei…

og så var det dei raude firkantane
som klaga over at eg teikna dei for små

og dei blå
som gjerne ville vere mindre

og dei lilla parallellogramma
skulle gjerne vore meir lilla

og dei grøne ville gjerne vere rosa
og dei rosa ville vere grå

kvadrata lo av rektangla,
som på si side pressa seg saman
og prøvde å bli som dei

og eg, den fortvila teiknaren
såg alle formene og fargane eg hadde teikna
tørne saman i ein kamp på eksistensnivå –

eg hadde lyst til å krølle heile arket saman
og kaste det langt vekk;

det einaste som hindra meg
var dei fredelege ovalane

som strekte seg ut, la seg side ved side
og danna ein regnboge

og eg gav eit løfte, eg skal ikkje krølle dykk saman,
eg skal heller bli ein firkant

og komme og ordne opp
(sjølv om eg anar at det ikkje vert så lett)

7 kommentarer:

  1. Lenge leve mangfoldet. Tenker jeg. Og aksepten av mangfoldet.

    SvarSlett
  2. Du beskriv det SÅ godt!
    Dette rare livet..

    Takk og fin dag :-)

    SvarSlett
  3. Flott beskrivelse til det fine bilde. Slike skatter skal en ta vare på!

    Bildet mitt er ikke noe etterarbeide. Har kun zoomet inn med zommlinsa, - fra 24mm til 70mm. Laaang lukkertid er nødvendig. Du kan ikke knipse med "auto" innstilling!

    SvarSlett
  4. Ok, det skal eg prøve! Knipsar sjeldan med auto, men har ikkje prøvd ut så mykje med zoom endå...

    SvarSlett
  5. Yes, fun and creative way to develop imagination by the beauty of the colors! Genial!

    SvarSlett
  6. What a happy painting! It's fun to stare at it and have your imagination come up with all kinds of faces and scenes...

    SvarSlett