torsdag 21. november 2013

Ut av korridoren

1

vi som vandrar rundt mellom tette veggar,
i skuggar
med føtene stødige mot golvet
og blikket berre ein meter framfor,
alltid sikker, alltid tydeleg
alltid veit vi kva som kjem –
endå meir golv
endå meir veggar
endå lengre korridorar
med tryggleik –


2
vi som vandrar rundt med skylappar,
gjennom dagar så føreseielege
at vi nesten ikkje treng leve dei –

vi som forsiktig løfter blikket
til vindauga mot livet
og ikkje klarar senke det etterpå –
 

3
vi som slepp det vi har i hendene,
trengjer oss gjennom folkemengda,
spring mot døra, riv den opp,
stormar ut og tek inn det enorme synet –
så annleis verda er
for oss
som vågar å gå ut av korridoren –
 



4

vi som snur oss
ser alle dei som fortsatt går med senka blikk
i korridorane,
og endå ikkje har sett, ikkje veit, ikkje kjent
at livet er noko
meir –

vi som snur oss
og ropar:
løft blikket!
kom!



(Ein stück himmel)

4 kommentarer:

  1. Og håper de kommer?
    Takk for ord og bilder.
    Mormor

    http://www.starbear.no/mormor/2013/11/21/en-liten-bit-himmel/

    SvarSlett
  2. I love the skyshots over the buildings and mountain

    SvarSlett
  3. Vad många skiftningar en himmel kan ha.
    Ha en fin Dag
    Hälsning Meta

    SvarSlett
  4. Your skyshots through the window are gorgeous! Also the other two photos are fantastic! What a view!
    Thanks a lot for your comment too! Yes it is the statue of Erzherzog Karl. It is on Heldenplatz!

    SvarSlett