søndag 3. november 2013

Morfar

Johannes Bø (1911-1997)



Min morfar
skomakaren
Han som vi kraup inntil
om morgonen
og høyrde fortelje
om fjerne tider:
om krigen og revejakt
og lensmenn og soldatar

Min morfar
mjølkesjokolademannen
Aldri kan eg ete
Freia mjølkesjokolade
utan å tenkje på han

Min morfar
som grudde seg for å køyre buss
Aller helst ville han vere heime,
men kom likevel
og vi gledde oss
når vi såg bussen opp siste bakken

Min morfar
som eg ikkje alltid forstod
Han var annleis enn meg
tenkte så annleis
om mange ting
Og ikkje alltid lytta eg
så godt som eg burde

Min morfar
som er borte no
Han levde sitt liv,
og let meg bli ein del av det
for ei stund
Borte, men ikkje borte
frå hjarta mitt

3 kommentarer:

  1. Åååå så vakre ord om levd liv!

    SvarSlett
  2. For et vakkert og beskrivende minne, Englepappa. Koselig bilde.

    SvarSlett