tirsdag 8. oktober 2013

Stilla


1
det er så stille -
eg kan høyre mine eigne tankar
suse rundt, lande
og slå seg til ro

utan å finne svar 
eller forstå kva spørsmålet var

av og til er det nok
å berre vere



2
som i ein kokong
legg eg tankane og strevet til kvile

set deg ned
seier eg til meg sjølv

og set meg



3
du skal tidsnok opp att
og ut

og snart nok måtte arbeide og streve
og tenke - meir enn å vere

kvardagen kjem snart attende
susande som eit prosjektil,

materialisert som noko handgripeleg heilt,
noko det nesten er mogleg å ta på

-

nett no vil eg difor kvile
i det usynlege



(Fototriss)

2 kommentarer:

  1. Flotte ord og bilder - ja stillheten i naturen gir sjelefred - noe jeg er blitt helt avhengig av ! Det å oppleve slike øyeblikk i naturen og få de på minnebrikken er herlig - da kan man ta frem bildene i en hektisk hverdag og oppleve roen på nytt - slik som her :)

    SvarSlett
  2. Some great photos, like the second with the rays of sun

    SvarSlett