mandag 28. oktober 2013

Omvelting



haustlauvet gøymer seg i plenen
har gøymespel
i det lange graset – for grasklipparen
har teke vinterferie
og trea er blitt sadistar
og ingenting er som det var
eller skulle vere

at ei omvelting
kan gå så fort –
kven kan fatte det?

ein dag hengje som det friaste blad i Guds natur,
den neste verte tømt for alt liv og forkasta,
slengt vekk som biologisk avfall – noko ubrukeleg
og tørt

kven som helst
hadde gøymt seg vekk
i skjelvande forvirring
og tungsinn
under slike forhold

2 kommentarer:

  1. Så fin tolkning i både text och bild.
    www.kerstinsfoto.se

    SvarSlett
  2. A I see we have the snails perspetive today

    SvarSlett